主页 > P猜生活 >6大市区野餐好去处 >
6大市区野餐好去处

2020-06-05


秋风起,最啱就係约埋一大班朋友去野餐㗎喇!唔想又搭车又搭船先去到野餐地点?我哋编辑部今次就特登搵咗6个市区野餐好去处,等大家可以嘅方便又快捷咁野餐!

1. 佐敦谷公园

好难想像喺香港嘅市中心会有咁大片草地,不过近年已经越嚟越多人识得去佐敦谷公园,假日更加逼满咗一个个家庭,唔少父母都会带小朋友嚟呢个草地跑跑跳跳。虽然人多咗,但係交通方便,唔少巴士都途经附近,由彩虹坐的士到佐敦谷公园,更几乎唔驶跳錶,所以呢度依旧係记者最爱野餐地点!

 6大市区野餐好去处

 6大市区野餐好去处 6大市区野餐好去处

除咗一般公园设施,呢度仲有遥控模型赛车场

环境:★★★★☆ 公园佔地约6.3公顷,而且草地面积亦大,不过假日就略嫌人多。

交通:★★★★☆ 位于东九龙中心位置,有多架巴士及小巴途经佐敦谷公园,不过搭港铁就要再转车喇。

洗手间:★★★★★ 公园内设有4个洗手间,无论身处咩位置,梗有一知喺左近。

其他设施:★★★★★ 除咗遥控模型赛车场,仲有缓跑径、社区园圃等等,仲有水机可以随时refill饮用水!

佐敦谷公园

地址:观塘新清水湾道71号

电话:2342 2241

开放时间:5am-11pm;遥控模型车场9am-10:30pm;园艺教育中心9am-6pm;社区园圃8am-6pm

 

2. 西九海滨长廊

位于海边嘅西九海滨长廊,最大嘅卖点就係无敌大海景,吹住海风咁野餐都咪话唔爽!呢度仲不时会举办唔同活动,好似一月一度嘅自由约,就係喺西九文化区苗圃公园举行。

 6大市区野餐好去处

不过西九海滨长廊就真係够晒长,由入口行去草地都有D距离,所以有唔少人都会选择喺西九入面以单车代步。

 6大市区野餐好去处

环境:★★★★★ 无敌大海景,而且佔地极大,宁静舒适。

交通:★★★☆☆ 虽然喺九龙港铁站附近,不过由港铁站行到去草地都需要15分钟。

洗手间:★☆☆☆☆ 只有出入口附近先有洗手间,平时举办活动都要靠流动洗手间帮手分散人流,而且地方太大,行去洗手间都可能要10分钟。

其他设施:★★★★☆ 虽然有得租借单车,不过要$20一个钟,略嫌有d贵。不过西九欢迎大家带埋宠物一齐野餐,係少开放畀宠物嘅大面积公园。

西九海滨长廊

地址:尖沙咀柯士甸道西与雅翔道交界

电话:2200 0217

开放时间:6am-11pm

3. 零碳天地

相信好多人都留意到,喺九龙湾Megabox对面,有个靓靓公园,原来呢度都可以野餐!一行入零碳天地,就见到大片草地,草地对出就係马路同大型商场,呢度绝对称得上係闹市中嘅绿州!

 6大市区野餐好去处

话到明係零碳天地,呢度採用咗好多绿色建筑方式,好似室内採光技术同埋天台嘅太阳能光伏板等等,用嘅全部都係可再生能源。呢度仲有室内展览室,等公众可以了解更多低碳生活。

 6大市区野餐好去处

环境:★★★☆☆ 地方较细,不过胜在人少。

交通:★★★★☆ 喺正Megabox对面,搭商场接驳巴士就去到。

洗手间:★★★☆☆ 洗手间设于出入口附近,採用环保设计,值得一讚。

其他设施:★★★★☆ 成个零碳天地都充满住环保讯息,最啱爸爸妈妈带埋小朋友嚟,边学边玩。

零碳天地

地址:九龙湾常悦道 8 号

开放时间:7am-8pm

4. 添马公园

相信香港人对于政府总部附近嘅添马公园都唔会陌生,呢度除咗可以集会之外,当然都可以野餐啦。

 6大市区野餐好去处

环境:★★★★☆ 无敌大海景,佔地大,唯一唔好就係太近政总。

交通:★★★★★ 喺金钟港铁站一出,过条天桥就到!

洗手间:★★★★★ 设有两个洗手间,而且呢度嘅洗手间出名乾净。

其他设施:★☆☆☆☆ 冇乜特别设施,主要就係一片草地。

添马公园

地址:金钟夏慤道

电话:2520 2321

开放时间:24小时开放

5. 山顶公园

顾名思义,山顶公园位于山顶缆车站后面,係百年前港督别墅嘅「后花园」,景色优美,而且仲可以带埋狗狗去,有一大片草地可以跑跑跳跳!

 6大市区野餐好去处

环境:★★★★★ 位于山顶,景色优美。

交通:★★☆☆☆ 只可以搭巴士同缆车上山,而且要再行一段路先到。

洗手间:★☆☆☆☆ 只有一个洗手间,不过好彩地方唔算太大。

其他设施:★★★★☆ 话晒係前港督别墅嘅「后花园」,好多怀旧英式建筑,而且仲有唔少行山路线都途经呢度,可以野餐之余,顺便行埋山。

山顶公园

地址:太平山柯士甸山道

开放时间:24小时开放

6. 中山纪念公园

中山纪念公园位于海边,呢度唔止係公园咁简单,附近亦有足球场、篮球场同体育馆,够晒多元化。

 6大市区野餐好去处

环境:★★★☆☆ 位于海边,饱览海景,不过草地範围唔大,一眼睇晒。

交通:★★★★☆ 位于上环港铁站附近,步行大约10分铁,亦有多架巴士途经。

洗手间:★★☆☆☆ 只有一个洗手间,不过都算喺草地附近。

其他设施:★★★★☆ 又有篮球场,又有足球场,野餐之余都可以运动吓。

中山纪念公园

地址:香港西营盘东边街北

电话:25409704

开放时间:24小时开放



上一篇:
下一篇:


相关文章
今日焦点
一周热榜